خطايى ، على اكبر
415
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
كتدى . پادشاه ليداجى و جانداجى ايله ايلچيلرى حبس خصوصنى سويلشور كن قاضى واروب مزبورلر ايله معا زمينبوس و ايلچيلرى نياز ايتمشلر . و ايلچيلرك كناهلرى ندر . زيرا افنديلرى نيك و بد هر نه كوندررلرسه انى كتوررلر . افنديلرينه بو هديه الچقدر . دخى اعلاسنى كوندرك ديمكه قدرتلرى يوقدر . و بونلرك جملهسنى پاره پاره ايتسهكز پادشاهلرينه قطعا تنزل كلميوب انجق اخر زمانه دكين پادشاه ختاى عادته مغابر ايلچيلرى حبس و اذيت ايتدى ديو اطراف و اكنافده بدنام اولور ديدكلرنده پادشا ، كلاملرينى استحسان و ايلچيلرى عفو ايلمش . مولانا قاضى مسرور كلوب ايلچيلره مژده ايلدى . اندن صكره پادشاه كوندردى ديو خوانلر كتورديلر . اول كون مجموع لحوم خنزيراتى ايله مخلوط اولمغله مسلمانلر تناول ايتمديلر . بعده پادشاه سوار اولوب قاپودن طشره چقدى . اولكون الغ بيك ميرزانك كوندرديكى درت اياغى . بياض بر يوكسك سياه آته صارى زربفت عبايى ايله بنوب كندوسى قرمزى زربفت كيمش و صقالنى سياه اطلسدن غلاف ايچنه قويمشدى . اردنجه يدى عدد كوچك اوستلرى پوشيدهلى محفه ايله كندوسيله شكارده بيله اولان دخترلر و آنلرك آردنجه يتمش آدم كوتورر بر بيوك مربع الشكل محفه كيدردى . پادشاهك صاغ وصولنده كور ايرهجك محله قدر آتلولر صف كشيده